टीवी रा मशहूर धारावाहिक ‘ससुराल सिमर का’ माय अंजलि भारद्वाज रो किरदार निभावन आली अभिनेत्री वैशाली ठक्कर (Vaishali Thakkar) आपरे पड़ोसी सूं परेशान होर फांसी लगा ली, जिनसूँ बीरी मौत होगी।
30 सालां री वैशाली री लाश इंदौर री साईं बाग कॉलोनी माय उनरे घर रे माय मिली। वैशाली ठक्कर (Vaishali Thakkar) ने स्टार प्लस रे मशहूर टीवी सीरियल ‘ये रिश्ता क्या कहलाता है’ माय संजना रे रोल सूं भी खासी पॉपुलैरिटी मिली थी। पुलिस रे मुताबिक वैशाली फांसी लगाई है।
इंदौर रे ACP एम रहमान रे अनुसार वैशाली ठक्कर रे पड़ोस माय रहन आलो राहुल नाम रो लड़को परेशान कर रह्यो थो , जिन रे खातर बा आत्महत्या करी है। वैशाली एक दूसरे शख्स सूं शादी करन आली थी, पर राहुल बिने ने इसूं तुड़वा दी , ताकि वो खुद वैशाली सूं शादी कर सके। वैशाली रे सुसाइड करने रे बाद सूं ही राहुल फरार है, पुलिस बिन री तलाश कर रही है।
नोट:- आ खबर आप राजस्थानी भाषा में न्यूज री पहली डिजिटल पत्रिका जयपुर न्यूज टुडे ( Jaipur News Today) माथे पढ़ रहया हो। अगर आपने खबर चोखी लागे तो थारे भायला- भायली मित्र मंडली सागे शेयर जरूर करो सा।
